¿QUE É A TARXETA DE
MELLORA DE EMPREGO?
A tarxeta de mellora de
emprego é parecida á tarxeta de
desemprego, pero pode ser solicitada por traballadores en situación de activo e
que queiran mellorar a súa situación laboral.
Un traballador por conta allea ou autónomo, aínda que estea en activo,
pode inscribirse no Servicio Público de Emprego Galego (SPEG) para poder
recibir ofertas de emprego do sector no que está inscrito, ou ter acceso a
cursos de formación gratuítos (sempre que o horario sexa compatible).
A tarxeta de mellora de
emprego, ven sendo o “darde” que
teñen as persoas en situación de desemprego, pero que en lugar de poñer “demandante
de emprego”, pon “mellora de emprego”.
Coa tarxeta de mellora de
emprego hai que seguir o mesmo procedemento que coa de desemprego: selar cada 3
meses. Se non se sela cae a demanda, é dicir, a tarxeta causa Baixa (do SPEG) e
se perden os dereitos e antigüidade acumulados.
¿CÓMO SOLICITAMOS A TARXETA?
Para solicitar esta tarxeta
hai que acudir á correspondente Oficina de Emprego e pedir a “mellora de
emprego”.
O persoal da Oficina de
Emprego fará un tramite moi sinxelo:
- Da de alta a tarxeta, coma se estivésemos sen emprego.
- No apartado “OCUPACIÓNS” deixar a opción “OCUPADO”.
- Activase o código 20 no apartado de "colectivos especiais".
- Unha vez gardado xa sae o darde coas datas de renovación.
A documentación a
presentar é a mesma que corresponde a unha nova inscrición :
- DNI
- Nº da Seguridade Social (se nunca se estivo inscrito).
- Titulacións académicas e cursos realizados .
- Vida Laboral.
- En base as titulacións deberase elixir as ocupacións que desexa realizar. Este apartado é moi importante porque aquí pódense meter ata un máximo de 6 ocupacións: do que se sabe, do que se quere e do que se pode (quero, podo, sei). Claro está que se fan as comprobacións oportunas para que correspondan as ocupación solicitadas coas titulacións acreditadas.
Esta tarxeta só a poden pedir
as persoas que están traballando, pois as que están desempregadas xa teñen a
tarxeta común de desemprego.
Se se vai aportar moita
documentación ou se precisa axuda para buscar ocupación acorde ás titulacións, débese
pedir cita con un orientador, que encamiñará ao demandante pola senda mais
axeitada.
Así queda a nosa demanda de MELLORA DE EMPREGO
Aquí deixo un vídeo explicativo:
Fontes consultadas:
Manuales do SICAS
Información do SPEG
JOSEFA PEREIRA LEAL
@SefiPereira
Ningún comentario:
Publicar un comentario